OM OSS

Med slagordet "get closer to nature" starta Rune Tokvam Flåm Guide Service AS (FGS) hausten 2001. Han hadde nokre sesongtilsette som jobba som guidar på Flåmsbana. I 2003 kjøpte Rune sin fyste RIB-båt og FjordSafari var ein realitet. For å halda tritt med kundemarknaden vart det i 2004 investert i èin RIB-båt til. Hausten 2005 satsa FGS større og May Lene Steinheim Lunden vart tilsett som bedriftsutviklar. Etter nokre månader kjøpte ho seg inn i bedrifta. Dei to RIB-båtane som trufast hadde fulgt Rune i fleire år, vart bytta ut med to nye båtar og turtilboda vart utvida. Samarbeidet mellom May Lene og Rune førte til at dei gifta seg i ein snøstorm på Finse 1222 i februar 2008, og i oktober 2009 fekk dei ein liten gut. Sommaren 2011 vart det investert i ein RIB-båt nr tre - ein båt som kan nyttast heile året. I 2012 har bedrifta 11 sesongtilsette og cirka halvparten av desse er båtførarar/guide. Dei andre fungerar som guidar på dei forskjellige aktivitetane FGS tilbyr.

Målet vårt i Flåm Guide Service er at me skal kunna tilby aktivitetar heile året- sommar som vinter.

Rune er utdanna F16 mekanikar, men har stor interesse for naturen. Han jobbar no mest som ROV-pilot i Nordsjøen, men når han er heima i Flåm guidar han turistane rundt i naturen han er så glad i. 

May Lene er utdanna Økonom på BI, og har spesialisert seg på Bedriftsutvikling. Ho tek seg av dei administrative oppgåvene i FGS, men når høve byr seg er ho gjerne med ut på tur.

Alle guidane våre er veldig glade i naturen og har bakgrunn frå naturbasert turisme. 

Print