FLÅMSDALEN

Opplev vestlandet på sitt vakraste, og bli med på ein tur gjennom historia i den imponerande Flåmsdalen. Me tek den verdskjende Flåmsbana opp til Myrdal. På den 20 km lange togturen får du sjå noko av det mest storslåtte av norsk natur. Den bratte stigninga og dei dristige tunnelane er prov på noko av den mest kyndige ingeniørkunsten som er utførd i norsk jernbanehistorie.
På turen ned vil guiden fortelje deg om historia til dei mange fjellgardane ein passerer. På Rallarrosa stølsysteri i Kårdalen får du omvisning og eit lite innblikk i korleis ysteprosessen går føre seg. Her har dei om lag 110 mjølkegeiter og 40 kje, som du får tid til å helse på etter lunsj og ostesmaking.
Du får oppleve fleire spektakulære fossar og elvar på ferda. På den om lag fire timars turen vil du få god til til å nyte naturen og stillheita Flåmsdalen kan tilby. Kanskje kan det freiste med ein Fjord Safari ut i Nærøyfjorden når ein er vel nede igjen; i Flåm er fjord og fjell næraste nabo!
Med lokale guidar får du ei oppleving inga guidebok kan gi. Flåmsdalen er turen for deg som vil ha eit autentisk, aktiv og spanande oppleving av vestlandet.

Kombiner turen med Basic Fjord Safari kl 14:55 med ankomst iFlåm 16:25.

På forespørsel